Kúıeý balasy oq atqan oraldyqtyń jaǵdaıy aýyr
ORAL. QazAqparat - Oralda kúıeý balasy oq atqan 1951 jylǵy er adamnyń jaǵdaıy asa aýyr, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, qalalyq kópbeıindi aýrýhanada jatqan 66 jastaǵy Ranıl Abdrahmanovqa birinshi ota jasalǵannan keıin, ol palataǵa shyǵarylǵan.
«Oǵan ótken aptada ekinshi ota jasaldy. Sodan keıin qaıtadan jansaqtaý bóliminde jatyr, jaǵdaıy óte aýyr», - dedi A.Saqposynova.
Eske sala keteıik, budan buryn enesin atyp óltirip, qaıynatasyn aýyr jaralaǵan kúdiktiniń eki aıǵa qamalǵanyn jazǵan bolatynbyz.
