Kúıdirgi nesimen qaýipti – sanıtar dáriger
PETROPAVL. QazAqparat – Soltústik Qazaqstan oblysynda shamamen otyz jyldy araǵa salyp, turǵyndar arasynda kúıdirgi juqtyrýdyń deregi tirkeldi. Osyǵan oraı mamandar kúıdirgi aýrýyna qatysty túsinik berdi, dep habarlaıdy QazAqparat tilshisi.
SQO sanıtarııalyq-epıdemıologııalyq baqylaý departamenti basshysynyń orynbasary Arman Kúshbasovtyń aıtýynsha, sibir jarasy - janýarlar men adamdardyń asa qaýipti juqpaly aýrýy. Kóp jaǵdaıda qaýipti ınfektsııany juqtyrýdyń arty ólimmen aıaqtalady.
«Ottegi bolǵan jaǵdaıda sibir jarasy qozdyrǵyshynyń aǵzadan tys sporalary paıda bolady. Janýarlar qarasandy topyraq arqyly juqtyrady. Bul aýrýdy týdyratyn mıkrobtar ondaǵan jyldar boıy topyraqta saqtalýy múmkin jáne belgili bir jaǵdaılarda kóbeıedi.
Janýarlar aýrýdy kóbinese ınfektsııalanǵan shópti jegen kezde juqtyrady. Sonymen qatar qarasanmen janýarlar qurǵaqshylyq jyldary aýyrady. Mal alasa shóppen birge topyraqtaǵy ınfektsııany birge alady. Al adamdar bul kúıdirgini janýarlardan juqtyrady», - deıdi Arman Kúshbasov.
Inkýbatsııalyq kezeń birneshe saǵattan bastap, bir aptaǵa deıin, kóbinese bul kezeń 2-3 kúnge sozylady.
«Adamdardyń ınfektsııany aýrý maldan, olardyń et-sútinen jáne aýrý janýarlar turǵan ortadan da juqtyrýy múmkin. Kóbinese adamdar aýrý janýarlardy asyraǵanda, olardy májbúrli túrde soıýda jáne aýrý maldyń etin óńdegende juqtyrady. Al ınfektsııa olardyń terisimen, júnimen jáne súıegimen jumys isteý barysynda sırek juǵady», - deıdi sanıtar dáriger.
Kúıdirgi aýrýynyń aldyn alý úshin birqatar erejeni esten shyǵarmaǵan jón.
«Janýarlarda aýrý belgileri baıqalsa birden veterınarııalyq dárigerdi shaqyrtý qajet. Et jáne basqa da mal ónimderin arnaıy oryndardan - bazarlardan jáne dúkenderden satyp alý qajet, óıtkeni onda olar veterınarııalyq-sanıtarııalyq saraptamadan keıin ǵana satylady», - deıdi Arman Kúshbasov.
Buǵan deıin SQO Aqjar aýdanyndaǵy Gorkıı eldi mekeninde bir turǵynnyń kúıdirgi juqtyryp aýrýhanaǵa túskenin aıtqan edik. Naýqastyń jaǵdaıy qalypty. Dárigerler baqylaýda ustap otyr.
Jalpy sibir jarasy SQO-da sońǵy ret 1994 jyly Tımırıazev aýdanynda tirkelgen eken.
