«Kúı kúmbiri» chellendji: Astanada 300 jas mýzykant áıgili kúılerdi oryndady

ASTANA. KAZINFORM —  20 naýryz kúni №111 orta mektepte «Kúı kúmbiri» atty aýqymdy dombyra chellendji ótti. Bul týraly Astana qalasy ákimdiginiń baspasóz qyzmeti habarlady. 

Naýryznamanyń onkúndigin toılaý aıasynda qosymsha bilim berý uıymdarynyń 300-den astam oqýshysy áıgili kúılerdi oryndady.

Іs-sharany elordalyq bilim basqarmasy qosymsha bilim berý uıymdarynyń qoldaýymen uıymdastyrdy. Onyń basty maqsaty – ulttyq aspapty keńinen nasıhattaý, jastardyń dástúrli ónerge degen qyzyǵýshylyǵyn arttyrý jáne daryndy dombyrashylardy qoldaý.

Chellendj Naýryz meıramyn toılaý aıasynda ótkizilip, elimizdiń barlyq mektebin qamtıtyn jalpyulttyq bastamanyń bir bóligi boldy. Jastar arasynda rýhanı-adamgershilik qundylyqtardy qalyptastyrýǵa, patrıotızmdi nyǵaıtýǵa jáne ulttyq mádenı murany saqtaýǵa yqpal etti.

Baıqaý barysynda Qurmanǵazynyń «Balbyraýyn», A.Jeldibaevtyń «Erkesylqym», «Kelinshek» atty aty ańyzǵa aınalǵan kúıler oryndaldy. Jıynǵa qurmetti qonaqtar, óner maıtalmandary men ustazdar qatysyp, jas ánshilerge qoldaý kórsetip, alǵan áserlerin tilge tıek etti.

Chellendj 2023 jyldan beri ótkizilip keledi jáne qazirdiń ózinde mańyzdy mádenı is-sharaǵa aınaldy. Sondaı-aq, 14-23 naýryz aralyǵynda Naýryznamanyń onkúndigi aıasynda elimizdiń barlyq mektebinde arnaıy taqyryptaǵy chellendjder, ekologııalyq aktsııalar, ulttyq oıyndardan jarystar ótip jatyr.

Aıta ketelik Astanada 20-22 naýryz kúnderi qandaı sporttyq-buqaralyq is-sharalar ótetini týraly jazǵan edik.