Kýveıttiń jańa mınıstrleri el ámiriniń aldynda ant berdi
ASTANA. KAZINFORM – Kýveıt úkimetiniń jańa quramy Baıan saraıynda ótken resmı rásimnen keıin óz mindetterin atqarýǵa kiristi, dep habarlaıdy Kazinform menshikti tilshisi.
Kýveıttiń KUNA aqparat agenttiginiń habarlaýynsha, kabınette jaqynda bolǵan aýys-túıisten keıin taǵaıyndalǵan jańa mınıstrler dúısenbi kúni sheıh Mıshal ál-Ahmad ál-Djaber as-Sabahtyń aldynda konstıtýtsııalyq ant berdi.
Rásim dúısenbi kúni Baıan saraıynda murager hanzada Sabah ál-Haled ál-Hamad as-Sabah pen úkimettiń jańa múshelerin ámirge tanystyrǵan premer-mınıstr Ahmad Abdalla ál-Ahmad as-Sabahtyń qatysýymen ótti.
Antty mınıstrler kabınetiniń jańa músheleri qabyldady:
Ýsama Býdaı – Saýda jáne ónerkásip mınıstri. Ol buryn Al-Mawashi kólik jáne saýda kompanııasyn basqardy jáne Zain telekommýnıkatsııalar tobynda basshylyq qyzmetter atqardy;
Djarrah Djaber as-Sabah – Syrtqy ister mınıstri, kásibı dıplomat, buryn syrtqy ister mınıstriniń orynbasary qyzmetin atqardy;
Rım Gazı ál-Fýlaıdj – Damý jáne turaqtylyq isteri jónindegi memlekettik mınıstr. Buryn Azyq-túlik jáne tamaqtaný jónindegi memlekettik basqarma tóraǵasy jáne bas dırektory qyzmetin atqarǵan;
Tarek Ál-Djalahma – Jastar isteri jáne sport jónindegi memlekettik mınıstr. Burynǵy fýtbolshy jáne BeIn Sports telearnasynyń tanymal kommentatory;
Abdýlazız ál-Marzýk – Ekonomıka isteri jáne ınvestıtsııalar jónindegi memlekettik mınıstr. Buǵan deıin Kýveıt qor bırjasy komıtetiniń múshesi bolǵan.
ıAkýb ar-Rıfaı – Qarjy mınıstri. Buǵan deıin Kýveıt bank odaǵynyń bas hatshysy qyzmetin atqarǵan.
Damý jáne turaqtylyq isteri mınıstri laýazymy alǵash ret quryldy jáne bıliktiń áleýmettik-ekonomıkalyq jáne ekologııalyq kún tártibindegi ınstıtýtsıonaldyq úılestirýdi nyǵaıtýǵa degen mindettemesin tanytyp otyr.
Óz kezeginde, ekonomıkalyq jáne ınvestıtsııalyq portfelderdi qaıta úlestirý aımaqtyq jáne jahandyq qyr kórsetýler aıasynda basqarý modelin keńinen túzetýdiń bir bóligi retinde qarastyrylyp otyr.
Rásimge sondaı-aq premer-mınıstrdiń birinshi orynbasary jáne Іshki ister mınıstri sheıh Fahd as-Sabah, Ámir saraıy isteri jónindegi mınıstr sheıh Hamad Djaber as-Sabah, sondaı-aq Ámir saraıynyń joǵary laýazymdy ókilderi qatysty.
Úkimettegi aýys-túıis ámir jarlyǵymen jeksenbi kúni maquldandy, kabınet quramyna jeti jańa múshe qosylyp, úsh mınıstr aýystyryldy. Ámir jarlyǵymen jarııalanǵan aýystyrý kabınet sanyn premer-mınıstrdi qospaǵanda 21 múshege deıin arttyryp otyr.
Ámir jarlyǵymen sondaı-aq Omar Saýd Abdýlazız ál-Omardyń portfeliniń ataýy ózgertildi: buryn ol baılanys isteri jónindegi memlekettik mınıstr qyzmetin atqarǵan, sodan keıin onyń mandaty keńeıtilip, baılanys jáne aqparattyq tehnologııalar isteri jónindegi memlekettik mınıstr bolyp ózgertildi.
Óz kezeginde aǵylshyn tilindegi kúndelikti Kuwait Times gazeti bas redaktorynyń orynbasary Abdýlla Sýbaıh Abdýlla Býftaın úkimettiń qaıta qurylýy aıasynda ámir jarlyǵymen aqparat jáne mádenıet mınıstri bolyp taǵaıyndaldy. Onyń esimi Kýveıt aqparat agenttigi KUNA-nyń ant berý rásimi týraly habarlamasynda atalmaǵan.
Taıaý Shyǵystyń basqa elderi sııaqty Kýveıt memlekettik basqarý júıesinde mınıstr jáne memlekettik mınıstr laýazymdary bar.
Mınıstr táýelsiz vedomstvony basqarady, al memlekettik mınıstr óz mınıstrligin qurmaı, belgili bir salany basqaratyn úkimet múshesi. Eki laýazym da mınıstrler kabınetiniń jumysyna qatysýdy kózdeıdi, biraq bul portfolıolar arasynda ókilettik aýqymy men jaýapkershilik deńgeıi ártúrli.
Buǵan deıin Qazaqstannyń Kýveıttegi elshisi qyzmetine kiriskenin jazǵan bolatynbyz.