Kýveıttiń «Jazeera Airways» áýe kompanııasy Qazaqstanǵa reıster ashady
NUR-SULTAN. QazAqparat – Mundaı sheshim Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine sáıkes qabyldanyp otyr, dep habarlaıdy QazAqparat.
«2021 jylǵy 1 jeltoqsannan bastap Kýveıttiń «Jazeera Airways» áýe kompanııasy Almaty men El-Kýveıt qalalary arasynda Airbus A320/A20N áýe kemesimen aptasyna 2 ret (sársenbi jáne jeksenbi) turaqty reıster oryndaýdy josparlap otyr.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady»,-delingen QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.
Atalǵan sheshim eki el arasyndaǵy saýda-ekonomıkalyq yntymaqtastyqty, týrızm men iskerlik áriptestikti damytýǵa yqpal etedi.
