Kýveıttik jigittiń súıiktisine arnaǵan syıy keptelis týdyrdy
ASTANA. QazAqparat - Kýveıt astanasynda ǵashyq jigit súıgenine sezimin bildiremin dep qalada keptelistiń týýyna sebepshi boldy, dep habarlaıdy ria.ru.
Jas jigit súıiktisiniń týǵan kúnine erekshe syı bolsyn dep, qalalyq jaıaý júrginshiler kópirine júrek formasyndaǵy gúl shoǵyn ornatyp qoıǵan. Ol gúl kún saıyn sol jolmen ótetin súıiktisiniń nazaryn aýdarý kerek-tin. Alaıda aty-jóni belgisiz jigittiń bul sezimin jalǵyz onyń ǵashyǵy ǵana emes, búkil qala halqy bildi. Sebebi, shahardyń qaq ortasyndaǵy kópirdiń jolaýshylary gúl shoǵyn kórip qana qoımaı, onyń qasynda sýretke túsýdi sánge aınaldyrǵan. Sondyqtan bolar, búginde eldegi áleýmettik jelilerde atalmysh gúl shoǵynyń qasynda túsken sýretter sany artqan.
Osylaısha, halyq sýretke túsip jarysyp jatsa, jergilikti polıtsııa «tanymal» gúl shoǵy qashan solar eken dep kútip júr. Óıtkeni, dál osy gúldiń saldarynan qalada keptelis týyndap, tártip saqshylarynyń jumysyna kedergi keltirip otyr.
