Kýveıttegi meshitte bolǵan jarylysqa qatysy bar degen kúdikti ustaldy
ASTANA. QazAqparat - Kýveıt bıligi ótken juma kúni 27 adamnyń ómirin qıǵan meshittegi lańkestik áreketti uıymdastyrýshylardyń taǵy bir qatysýshysyn qamaýǵa aldy. Eldiń ІІM-nen málimdegendeı, ol jankeshtini jarylys jasaýǵa deıin kóligimen jetkizip salǵan.
«Qaýipsizdik kúshteri lańkesti ımam ás-Sadyq meshitine kólikpen jetkizip salǵan júrgizýshini qolǵa túsire aldy», - delingen vedomstvonyń habarlamasynda.
Onyń aqparatyna sáıkes, jankeshtińi sybaılasy - Kýveıt aýmaǵynda zańsyz turǵan 1989 jylǵy Ábdel Rahman Sabah Aıdan esimdi er adam.
Eske sala keteıik, jankeshti juma kúngi namaz kezinde El-Kýveıttiń ortalyǵyndaǵy Es-Saber aýdanynda ornalasqan shıǵalar meshitinde bombany iske qosty. Jarylystan 27 adam mert bolyp, taǵy 227-si jaraqattanǵan.
Lańkestik áreketti «Islam memleketi» sodyrlary uıymdastyrǵan.
