Kýveıtte jasandy ıntellekt kómegimen qurylǵan telejúrgizýshi paıda boldy
Vırtýaldy júrgizýshige Fedha degen ataý berilgen. Ol jeli paıdalanýshylaryna jańalyq tyńdaýdy usynady.
«Men Fedhamyn, Kýveıtte jasandy ıntellektpen jumys isteıtin alǵashqy júrgizýshimin. Qandaı jańalyqtardy qalaısyz? Sizdiń pikirińizdi bileıik»,- deıdi ol arab tilinde.
Kuwait Times basylymy Parsy shyǵanaǵynda 1961 jyly alǵashqy aǵylshyn tilindegi kúndelikti basylym retinde qurylǵan. 2022 jyly basylym Kuwait News agenttigimen biriktirildi.
Veb saıttyń bas redaktorynyń orynbasary Abdýlla Bofteın bul qadamdy jasandy ıntellekttiń «jańa ınnovatsııalyq kontent» usyný baǵytyndaǵy áleýetin tekserý bolatynyn málim etti.
Ol Fedhanyń bolashaqta jańalyqtardy Twitter-den akkaýntqa jarııalaı alatyndyǵyn aıtty.
«Fedha - bul kýveıttik tanymal esim. Metall, kúmis degen maǵynany bildiredi. Biz árqashan kúmis jáne metall tústes robottardy biriktiremiz», - dedi Bofteın.
Onyń aıtýynsha, júrgizýshiniń ashyq tústi shashy men móldir kózderi eldiń kýveıttikter men sheteldikterden qurylǵan munaıǵa baı memleket ekendigin bildiredi.
