Kýveıtte munaıdyń «alyp» ken orny tabyldy

ASTANA. KAZINFORM – Kýveıt munaı korporatsııasy (KPC) Kýveıttiń Parsy shyǵanaǵyndaǵy Faılaka aralynyń shyǵysynda Ál-Nohata «alyp» munaı ken ornyn anyqtaǵanyn málimdedi, dep habarlaıdy dw.com.

Korporatsııanyń bas dırektory sheıh Navaf Saýd ál-Sabah jeksenbi, 14 shildede KPC-tiń H áleýmettik jelisindegi paraqshasynda jarııalanǵan beınede onyń qory eldiń búkil óndirisiniń úsh jyldyq qunyna teń dep málimdedi. 

Ál-Sabahtyń aıtýynsha, aldyn ala esepteýler ken ornynda shamamen 2,1 mlrd barrel munaı men 5,1 trln tekshe fýt gaz bolýy múmkin, bul shamamen 3,2 mlrd barrel munaıǵa teń.

Kýveıt álemdegi eń úlken munaı qoryna ıe. Munaı eksporttaýshy elder uıymynyń (OPEK) málimetinshe, 2022 jyldyń sońynda bul kórsetkish boıynsha ol álemde altynshy oryndy ıelendi jáne eldiń jalpy munaı qory 100 mlrd barrelden asady nemese dúnıe júzindegi jalpy qordyń 6,55%-yn quraıdy dep baǵalanǵan.