Kýveıtte Qurandy jaqsy biletinder marapattalady
ASTANA. 21 naýryz. QazAqparat - Kýveıtte qasıetti Qurandy tereń meńgergen jáne ony eń úzdik oqıtyndarǵa osy eldiń ýaqyptar jáne ıslam isteri mınıstrliginiń jyl saıynǵy júldesi beriletin boldy.
IslamNews aqparat agenttigi habarlaǵandaı, atalmysh mınıstrlik basshysynyń orynbasary Ádil ál-Fálaqtyń aıtýynsha, marapattaý sharasy sáýirdiń 3-i kúni bastalyp, bir aptaǵa sozylmaq. Osynaý dinı mańyzy bar mádenı sharaǵa Kýveıt sheıhy ári ámirshisi Sabah ál-Ahmet ál-Jaber as-Sabah muryndyq bolǵan.
muslim.kz saıtynyń jazýynsha, jarysqa álemniń 50 elinen 91 adam qatysyp, baq synaıdy.
Jarystyń kezeńderi: 1) Qurandy tolyq jatqa bilý; 2) Qurannyń jeti qyraǵatyn meńgerý; 3) tájýıd (durys oqý); 4) Quran boıynsha úzdik hi-tech jobasy.
