Kýveıtte bolǵan orynsyz oqıǵaǵa baılanysty sheshim búgin qabyldanatyn bolady
ASTANA. 27 naýryz. QazAqparat - Kýveıtte Qazaqstan Ánuranynyń ornyna saıqymazaq Borattyń ánin qoıǵany úshin uıymdastyrýshy komıtet jaýapty.
Búgin Úkimet otyrysynan keıin jýrnalısterge suhbat bergen QR Sport jáne dene shynyqtyrý agenttiginiń tóraǵasy Talǵat Ermegııaev osylaı aıtty.
«Osy másele boıynsha naqty sheshimdi biz búgin qabyldaımyz. Men Kýveıtke barǵan bizdiń delegatsııa ókilderin kinálaı almaımyn. Negizi, sport oıyndary ótken kezde, uıymdastyrý komıteti árbir elge suraý salyp, memlekettik rámizderdiń sáıkestigin tekseredi. Osy suraýǵa jaýap berip, ánurandy naqtylaǵan laýazymdy tulǵalar bolsa, olar mindetti túrde jaýap beretin bolady. Uıymdastyrý komıteti ózdigimen de is-sharaǵa qatysýshy elderdiń memlekettik rámizderin taýyp, shyrqatýy múmkin. Ondaı jaǵdaıda komıtettiń ózi jaýap berý tıis», - deıdi T.Ermegııaev.
