Kýveıtte bolǵan oqıǵa London Olımpıadasynda qaıtalanbaýy tıis - T.Ermegııaev
ASTANA. 27 naýryz. QazAqparat - Kýveıtte bolǵan oqıǵa London Olımpıadasynda qaıtalanbaýy tıis.
Búgin Úkimet otyrysynan keıin jýrnalısterge suhbat bergen QR Sport jáne dene shynyqtyrý agenttiginiń tóraǵasy Talǵat Ermegııaev osylaı aıtty.
«18 sáýir kúni men Londonǵa ushyp baramyn. Sol jerde biz qazaqstandyq sportshylar qatysatyn barlyq jarystar boıynsha memlekettik rámizderdiń sáıkestigin tekserýge tyrysamyz. Biraq, shyny kerek, London Olımpıadasynyń uıymdastyrýshy komıtetiniń jumysyna emin-erkin aralasa almaısyń. Bizge de memlekettik rámizderdi tekserýge ońaılyqpen múmkindik beredi dep aıta almaımyn. Degenmen, Kýveıtte bolǵan oqıǵa London Olımpıadasynda qaıtalanbaýy tıis», - dedi T.Ermegııaev.
