Kýveıtte 23 adam alkogolden ýlanyp kóz jumdy
ASTANA. KAZINFORM — Sońǵy kúnderi Kýveıtte 23 adam alkogolden ýlanyp qaza boldy, dep habarlaıdy Al Arabiya ishki ister mınıstrligine silteme jasap.

Jergilikti jerde alkogol ónimin óndirip, taratqan 67 adam ustaldy.
Elde alkogoldi ımporttaýǵa da, jergilikti jerde óndirýge de tyıym salynǵan. Degenmen, keıbireýleri ishimdikti qaýipsizdik standarttary joq jerlerde zańsyz óndiredi. Bul tutynýshylardyń ýlaný qaýpin týdyrady.
Mınıstrliktiń málimetinshe, turǵyn úıler men óndiristik aýdandarda jumys isteıtin 6 zaýyt pen áli iske qosylmaǵan taǵy 4 óndiris orny ashylǵan. Sapasyz alkogol óndirisi saldarynan, metanolmen ýlanýdyń 160 jaǵdaıy tirkeldi.
Onyń ishinde 23 adam, negizinen Azııadan kelgen azamattar kóz jumdy.
«Qylmystyq jeli» basshysy — Bangladesh azamaty qamaýǵa alyndy. Kúdiktilerdiń biri Nepal azamaty metanoldyń qalaı daıyndalyp, satylǵanyn aıtyp bergen.
Eske sala keteıik, Qytaıda alkogolge táýeldilikten aryltý úshin naýqasqa «arnaıy chıp» engiziledi.