Kýveıt Tegerandaǵy elshini keri qaıtaratyn bolyp sheshti
ASTANA. QazAqparat - Kýveıt bıligi Saýd Arabııasy, Bahreın, Sýdannyń izinshe Tegeranda saýd elshiligine jasalǵan shabýyldan keıin Irannan óz elshisin keri qaıtaratynyn aıtty, Bı-bı-sı.
Kýveıt úkimetiniń málimdemesinde elshini keri qaıtarý eki eldiń dıplomatııalyq qatynastaryna qalaı áser etetini naqtylanbaıdy, dep jazylǵan habarlamada.
Tegeranda saýd elshiligine jasalǵan shabýyl Er-Rııadtaǵy belgili sheıit ýaǵyzdaýshysyn ólim jazasyna keskennen keıin oryn aldy. Saýd Arabııasy óz dıpmıssııasyna shabýyldan keıin Iranmen dıplomatııalyq qatynasty úzip, el arasyndaǵy saýda baılanystary men áýe qatynastaryn toqtatqany týraly málimdedi.
Ony birqatar Afrıka jáne Taıaý Shyǵys memleketteri qoldady.
BUU Qaýipsizdik keńesi Tegerandy el aýmaǵyndaǵy dıplomatııalyq mıssııany tıimdi qorǵaýǵa shaqyra otyryp, elshilikke jasalǵan shabýyldy talqylady.
Saýd Arabııasy - Taıaý Shyǵystaǵy bas súnnıt derjavasy, Iranda sheıit rejimi bılik etedi. Er-Rııad pen Tegeran Sırııa men Iemendegi qaqtyǵystarda qarsy jaqty qoldaıdy.
BUU, AQSh, Túrkııa óńir elin ustamdylyqqa shaqyrdy.
