Kýveıt pen BAÁ munaı baǵasy boıynsha reseı-saýdııalyq konsýltatsııaǵa túsinikteme berdi

ABÝ-DABI. QazAqparat - Dúısenbi kúni Kýveıt pen Birikken Arab Ámirlikteri eki iri munaı óndirýshileri - Saýd Arabııasy men Reseıdiń munaıdyń álemdik baǵasyn turaqtandyrýǵa qatysty konsýltatsııasyn maquldady.

Kýveıttiń Munaı mınıstri mindetin atqarýshy Anas ál-Saleh Saýd Arabııasy men Reseı arasyndaǵy munaı naryǵy týraly konsýltatsııasyn maquldaıtynyn jáne naryqta teńgerimge qol jetkizý úshin onyń nátıjelerin qoldaıtynyn atap ótti.

«Konsýltatsııalar naryqty retteý jáne turaqtandyrý úshin OPEK negizgi múshe elder men Uıymǵa kirmeıtin munaı óndirýshi elder arasyndaǵy yntymaqtastyq aıasynda ótip jatyr», - dedi OPEK óndirýshileri arasynda besinshi oryn alatyn BAÁ Energetıka mınıstri Sýheıl ál-Mazrýı. Sonymen birge, BAÁ mınıstri RF men Saýd Arabııasynyń «pozıtıvti qadamyn» qoldaıtynyn bildirdi.

Ámirlikter munaı naryǵyndaǵy teńgerimge qol jetkizýge baǵyttalǵan qandaı da bir ortaq kúshti qoldaý jáne kómek berýge qyzyǵýshylyq tanytyp otyr, dedi Sýheıl ál-Mazrýı.