Kýveıt Parlamenti Alla esimine til tıgizgenderdi ólim jazasyna kesýge qoldaý bildirdi
ASTANA. 5 mamyr. QazAqparat - Kýveıt Parlamenti Allaǵa til tıgizgenderge ólim jazasyn qarastyratyn zań jobasyn qabyldady. Zań jobasyna sáıkes, Alla men musylmandardyń qasıetti kitaby - Quranǵa, kez kelgen paıǵambar men Muhammed paıǵambardyń
áıelderine sóz tıgizgen árbir adam jazalaýdyń eń joǵarǵy túrine iligýi múmkin.
«Interfaks-Qazaqstannyń» habarlaýynsha, Parlamenttiń 40 depýtaty atalǵan zań jobasyn qoldasa, 6-aýy qarsy bolǵan. Zań jobasynyń kúshine enýi úshin ony Úkimet maquldap, Kýveıt ámiriniń qolymen bekitilýi tıis.
Alaıda eger sottalýshy sotta kinásin túsinip, óz isine ókinish bildirgen jaǵdaıda, ólim jazasynan qutylyp, onyń ornyna 5 jyl túrmede jazasyn óteıdi nemese 36 myń dollar shamasynda aıyppul tóleýi qajet.
Eger qylmys qaıtalanatyn bolsa, onda ol azamat sottyń meıiriminsiz birden ólim jazasyna kesiledi.
