Kýveıt munaı jetkizilimine qatysty fors-majordy uzartty — Bloomberg
ASTANA. KAZINFORM — Bul rette Kýveıttiń Kuwait Petroleum Corporation munaı-gaz holdıngi jetkizilimniń tolyq úzilýinen qutylý múmkin bolatynyn kútedi, dep habarlaıdy Kazinfom tilshisi.
Bloomberg habarlaýynsha, Kuwait Petroleum Corporation memlekettik munaı-gaz holdıngi klıentterge Ormýz buǵazyndaǵy júk tasymaly qaıta ashylýy jaǵdaıynyń ózinde jetkizilimdi tez arada qalpyna keltire almaıtynyn jáne kelisimshart boıynsha kólemdi tolyq oryndaı almaıtynyn habarlady.
Resýrstyń habarlaýynsha, kompanııa buryn klıentterge shıki munaı men munaı ónimderin josparly jetkizý boıynsha kelisimsharttardyń oryndalýyn shekteıtin fors-majorlyq jaǵdaılar týraly habarlaǵan.
Holdıngtiń sońǵy habarlamasy Parsy shyǵanaǵy elderinen resýrstardy eksporttaýǵa kedergi keltirip otyrǵan Ormýz buǵazynyń uzaq ýaqyt boıy jabylýy aıasynda jasaldy.
Osyǵan deıin Qatardyń memlekettik Qatar Energy kompanııasy suıytylǵan tabıǵı gaz (STG) óndirisiniń toqtatylýyna baılanysty fors-major jarııalap, tutynýshylarǵa óz mindettemelerin oryndaı almaıtynyn týraly habarlady.
Sondaı-aq Shell men TotalEnergies Qatar gazyn jetkizý boıynsha fors-major jarııalaǵanyn jazdyq.
