Kýveıt kompanııalary Parsy jaǵalaýy elderinen 2011 jyly Qazaqstanda ótetin 7-shi qysqy Azııa oıyndaryna saıahatshylar tartady - «Yellow Cards» kompanııasynyń prezıdenti
;ALMATY. Maýsymnyń 3-i. QazAqparat /Erlik Erjanuly/ - Kýveıt kompanııalary Qazaqstanmen týrızm, aqparattyq tehnologııa jáne telekommýnıkatsııa salalary boıynsha yntymaqtastyq ornatýda.
Bul jaıly búgin Almatyda ótip jatqan ІV Qazaqstandyq ınvestıtsııalyq sammıtte málim boldy, dep habarlaıdy QazAqparat.
«Biz 2011 jyly Almaty men Astanada ótetin VII qysqy Azııa oıyndaryna Parsy jaǵalaýynan saıahatshylar tartamyz. Olarǵa vıza alý, saıahat jasaıtyn jerde kútip alý, qonaqúıge ornalastyrý sııaqty túrli qyzmetterdi júzege asyramyz. Sondaı-aq Parsy jaǵalaýy men Taıaý Shyǵys elderinde jetinshi qysqy Azııa oıyndaryn jarnamalaý naýqanyn jasaýǵa daıynbyz. Azııada boıynsha bizdiń negizgi keńsemiz Kýveıtte bolady», deıdi «Yellow Cards» týrıstik kompanııasynyń prezıdenti Mýhammed Atýı. Onyń aıtýynsha, qazir qazaqstandyq áriptesterimen týrızm jáne aqparattyq tehnologııa salalarynda kelisimderge kelgen. Endi ózge salalar boıynsha da kelissózder júrgizip jatyr. Kýveıt kompanııalary sonymen qatar, 2011 jyly Astanada 7-shi Islam konferentsııasyn uıymdastyrmaq.
