Kýveıt áýejaıynda bomba salynǵan sómke tabyldy
NUR-SULTAN. QazAqparat - Kýveıt áýejaıynyń júk termınalynda kúdikti sálemdemeniń ishinen jarylǵysh qurylǵy tabyldy. Bul týraly Al-Jarida gazeti derekkózge silteme jasap habarlady.
Qaýipsizdik qyzmetkerleri jarylǵysh zatty tekserý kezinde anyqtady. Olar sómkege salynǵan kitap ishinen akkýmýlıatorlar men jarylǵysh zattardy tapqan.
Arab Times atap ótkendeı, sálemdemeni AQSh-taǵy áskerı mekemelerdiń birimine jetkizý kerek bolǵan. Qazirgi ýaqytta tergeý júrip jatyr, quqyq qorǵaýshylar jarylǵysh zatty kimniń jibermek bolǵanyn anyqtaýda.
