Kýveıt AÓSShK qaǵıdattary men sheshimderin saqtaýǵa daıyn ekenin bildirdi
«Kýveıt óziniń ótiniminde AÓSShK-ge múshe memleket retinde qosylýǵa nıet bildirdi jáne AÓSShK sheńberinde qabyldanǵan nemese qol qoıylǵan qaǵıdattar men sheshimderdi saqtaýǵa daıyn ekenin bildirdi. Kýveıt AÓSShK Azııadaǵy beıbitshilikti, qaýipsizdik pen turaqtylyqty nyǵaıtýǵa mańyzdy úles qosatynyn atap ótti. AÓSShK qyzmetin odan ári damytýǵa qoldaý kórsetý nıetin atap ótti. AÓSShK tóraǵalyǵy Kýveıttiń osy uıymǵa múshe bolý týraly ótinishin tolyǵymen qoldaıdy», - dedi Memleket basshysy.
«Aǵa laýazymdy tulǵalar komıteti 2022 jyldyń 10-11 qazanyndaǵy otyrysta Kýveıtke AÓSShK-ge múshe memleket mártebesin berýdi usyndy. AÓSShK reglamentiniń 11.3-tarmaǵyna sáıkes, múshelik mártebesi kandıdat AÓSShK-niń eki negizgi qujatyna (1999 jylǵy 14 qyrkúıektegi múshe memleketter arasyndaǵy qatynastardy retteıtin qaǵıdattar týraly deklaratsııa jáne 2002 jylǵy 4 maýsymdaǵy Almaty aktisi) qol qoıǵannan keıin berilýi múmkin. Kýveıt bul eki qujatqa 2022 jyldyń 11 qazanynda qol qoıǵanyn habarlaǵym keledi. Sondyqtan, men Kýveıtti AÓSShK-ge múshe memleket retinde qosý týraly sheshim jobasyn qabyldaýdy usynamyn», - degen Qasym-Jomart Toqaev Kýveıt memleketin uıymǵa 28-i múshe memleket bolýymen quttyqtady.
