Kýveıt ámiri BUU-nyń marapatyna ıe boldy
ASTANA. QazAqparat - BUU-nyń bas hatshysy Pan Gı-Mýn Kýveıt ámirliginiń koroli sheıh Sabah Ál-Ahmad Ál-Jábır As-Sabahqa «Gýmanıtarlyq kóshbasshy» ataǵymen marapattap, qurmet tanytty, dep habarlady www.muslim.kz.
Sırııalyq bosqyndarǵa birneshe márte iri kólemde kómek kórsetken Kýveıt koroliniń bul ataqty ıelenýi de zańdy.
Sońǵy eki jyldyń ózinde koroldik aýmaǵynda sırııalyqtarǵa qaıyrymdylyq kómek kórsetýge baǵyttalǵan eki iri konferentsııa uıymdastyrylyp, 3,5 mlrd dollar qarajat jınalǵan bolatyn.
Kýveıt ámiriniń halyqaralyq marapatqa ıe bolyp, mereıi ósken qýanyshymen Amerıka Qurama Shtattary da ortaqtasyp, tilektestik bildirdi.
«Sırııada bolǵan qaqtyǵystardan japa shekken bosqyndarǵa iri kólemde qaıyrymdylyq sharalaryn uıymdastyryp, kómek qolyn sozǵan Kýveıt halqy men ámirine bul marapat ábden laıyq», - dep málimdedi AQSh-nyń Memlekettik isteri jónindegi ókili Merı Harf.
