Kýveıt Allaǵa til tıgizgeni úshin ólim jazasyna kesýdi zańdastyrdy
ASTANA. 4 mamyr. QazAqparat - Kýveıt Parlamenti Allaǵa til tıgizgeni úshin jazalaýdyń eń qatań túrin - ólim jazasyn qarastyratyn zań jobasyn qabyldady, dep jazady Ýtro.rý.
Oǵan sáıkes, Allaǵa, musylmandardyń qasıetti kitaby Quranǵa, sondaı-aq paıǵambarlardyń kez kelgeni men Muhammed paıǵambardyń áıelderine til tıgizgen adam jazaǵa tartylatyn bolady.
Eger kináli adam sotta ókinse, ólim jazasynyń ornyna bes jylǵa bas bostandyǵynan aıyrylady nemese 36 myń dollar kólemindegi aıyppul tóleıdi. Eger osyndaı qylmysty ekinshi ret jasasa, sottan meıirimdilik kúte almaıdy.
Jergilikti BAQ-tyń habarlaýynsha, zańnamalyq bastamany Parlamenttiń 40 depýtaty qoldady. Endi ony Úkimet pen Kýveıttiń ákimi qarastyrý kerek.
