Kýveıt 55 táýlikten keıin alǵash ret azamattyq avıatsııaǵa áýe keńistigin ashty
ASTANA. KAZINFORM – Kýveıt shamamen 55 táýlikten keıin alǵash ret azamattyq avıatsııa úshin áýe keńistigin ashty. Bul týraly The Star aqparattyq portaly habarlady.
– Kýveıt jergilikti áýejaılarǵa keletin jolaýshylar ushaqtary úshin óziniń áýe keńistigin ashty, – dedi agenttik tilshisine suhbat bergen derekkóz.
Onyń aıtýynsha, bul sheshim eldiń avıatsııalyq bıliginiń tıisti qaýlysyna sáıkes qabyldanǵan.
Sonymen birge barlyq reıster Kýveıttiń azamattyq avıatsııa basqarmasymen aldyn ala kelisilip otyrýy tıis.
– Mundaı ruqsatsyz birde-bir reıs áýe keńistigine kire almaıdy, – dedi derekkóz.
Kýveıt aspany azamattyq avıatsııa úshin 28 aqpan kúni kúnniń birinshi jartysynda AQSh pen Izraıldiń Iranǵa qarsy áskerı operatsııasy bastalǵannan keıin jabylǵan.
Búginge deıin Kýveıt Taıaý Shyǵysta áýe keńistigi tolyq nemese ishinara ashylmaǵan sońǵy el bolyp kelgen edi.
Aıta keteıik, naýryz aıynda Kýveıtte amerıkalyq birneshe áskerı ushaqtyń apatqa ushyraǵanyn jazdyq.
