Qutyrǵan býra eki fermerdi taptap óltirdi
ASTANA. QazAqparat - Kúıek kezinde qutyrǵan býra eki adamdy taptap óltirdi. Oqys oqıǵa Tehas shtatynda Ýıchıta Folls qalashyǵy (Wichita Falls) mańyndaǵy hýtorda bolǵan, dep habarlady 11 qańtarda NBC News telearnasy.
72 jastaǵy ferma ıesi Peggı Makneı (Peggye McNair) men 53 jastaǵy onyń kómekshisi Mark Mere (Mark Mere) túngi eki jarymda tabylǵan. Aldyn ala boljam boıynsha, qaıǵyly oqıǵa keshqurym bolǵan syńaıly.
Mere túnge qaraı janýarǵa sý bermek bolǵan. Aldyn ala astaýǵa quıylǵan sý qatyp qalǵandyqtan er adam shelekpen tasyǵan. Onyń ústine bul qorada úsh túıe bolǵan kórinedi.
Qutyrǵan býra kúnde jóm-shóbin berip júrgen ıesine tap berip, qýa jónelgen. Ferma ıesi 72 jastaǵy keıýana óz jumysshysyna kómek bermek bolyp, janýardyń aldyn oraı qoranyń esigin jappaqqa árekettenedi. Biraq úlgere almaıdy. Býra ekeýin de taptap óltiredi.
