Kýtýzov eskertkishindegi semserdi syndyryp, alyp ketken
ASTANA. QazAqparat - Sankt-Peterbor qalasynyń polıtsııasy Qazan soborynyń qasyndaǵy Neva dańǵylynda ornatylǵan qolbasshy Mıhaıl Kýtýzovtyń eskertkishin búldirgen azamattyń tulǵasyn anyqtady.
Sarapshylar eskertkishke keltirilgen shyǵyndy 70 myńǵa jýyq rýblge baǵalady.
Eske sala keteıik, 8 mamyrǵa qaraǵan túni belgisiz bireý eskertkishke shyǵyp, semserdi syndyryp tastady. Qaskúnem eskertkishtiń synǵan bóligin alyp, izin sýytqan.
Oqıǵa ornyna kelgen quqyq qorǵaýshylar ony qarap shyqqan soń, beınebaqylaý taspalaryndaǵy jazbalardy alyp ketken.
16 mamyr kúni polıtsııa qyzmktkerleri vandaldy ustady. Ol Lenıngrad oblysyndaǵy Vsevolojsk qalasynyń 24 jastaǵy turǵyny bolyp shyqty.
Páterdi tekserý kezinde ustalǵan er adamnan semserdiń bir bóligi alyndy. Endi ol jasaǵan qylmysy úshin 3 jylǵa deıin bas bostandyǵynan aıyrylýy múmkin, dep jazady informing.ru.
