Qutqarýshylardyń respýblıkalyq oqý-jattyǵýy ótedi
«Naýryz aıynyń basynda sý tasqynyna ushyraý táýekeli joǵary óńirlerdiń (Pavlodar qalasy) birinde «Kóktem-2021» respýblıkalyq komandaly-shtabtyq oqý-jattyǵýyn ótkizý josparlanyp otyr. Іs-Shara azamattyq qorǵanys memlekettik júıesiniń bıylǵy sý tasqynyn qaýipsiz ótkizýge daıyndyq deńgeıin anyqtaýǵa múmkindik beredi. Oqý-jattyǵý aıasynda naqty is-sharalar kesheni júzege asyrylady. ıAǵnı, qar shyǵarylyp, ózender men arnalardyń ańǵarlary tazartylady», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, elimizdiń 10 óńirinde, atap aıtqanda Aqmola, Aqtóbe, Jambyl, Almaty, Qaraǵandy, Qostanaı, BQO, SQO, ShQO jáne Túrkistan oblystarynda 60-tan asa iri sý qoımalarynyń deńgeıin qadaǵalaý úshin apta saıyn monıtorıng júrgizilip otyr.
«Qazgıdromet» respýblıkalyq memlekettik kásipornynyń aldyn ala boljamdy derekteri boıynsha jalpy qar qorynyń kólemi elimizdiń Aqmola, Aqtóbe, Atyraý, Batys Qazaqstan, Qaraǵandy jáne Soltústik Qazaqstan oblystarynyń ózen basseınderindegi ylǵal qory ortasha kóp jyldyq deńgeıden tómen. Ózen basseınderinde qardyń jınalýy bıylǵy jyldyń aqpan jáne naýryz aılaryna deıin jalǵasady», - dedi birinshi vıtse-mınıstr.
Jalpy atalǵan mınıstrlik taratqan málimetke sáıkes, Aqmola oblysy Sileti ózeni boıynsha ortasha kóp jyldyq deńgeıi sheginde. Al, Qostanaı oblysynda Toǵyzaq ózeni boıynsha ortasha kóp jyldyq deńgeıden joǵary. Sonymen qatar, Aqmola, Aqtóbe, Batys Qazaqstan, Qaraǵandy, Qostanaı jáne Soltústik Qazaqstan oblystarynda topyraqtyń qatý tereńdiginiń kórsetkishi ótken jylǵydan ortasha eseppen 70 sm artyq.