Qutqarýshylardyń aılyǵy qansha
«Jalaqyny kóterý týraly aıtsaq, qutqarýshy súńgýirler jedel-qutqarý jasaǵyndaǵy azamattyq qyzmetshiler sanatyna kiredi. 2019 jyly osy sanattaǵy mamandardyń aılyǵyn 30%-ǵa deıin kóterdik. Qazir ortasha jalaqy – 170 myń teńge. Men bul óte az ekenin túsinemin. Sondyqtan jalaqyny osy sanattaǵy qyzmetkerlerdiń de eńbekaqysyn kezeń-kezeńmen kóbeıtý kózdelip otyr. Biraq budan bylaı aılyǵy ósetin mamandardy, ásirese áskerı sheni bar sala qyzmetshilerdi attestattaýdan ótkizip otyramyz», - dedi ıÝrıı Ilın.
Sondaı-aq, mınıstr eseptik kezdesýden keıingi qorytyndy brıfıngide Shyǵys Qazaqstannyń Rıdder qalasynda bolǵan alapat órtti sóndirýshilerdi materıaldyq turǵyda yntalandyrý múmkindigi qarastyrylatynyn aıtty.
«Keshe meniń buıryǵymmen atalǵan órtti sóndirýge belsendi qatysqan 14 erikti marapattaldy. Erteń biz Rıdder qalasynda órt máselesine qatysty jedel keńes ótkizemiz. Eger jergilikti departament basshylyǵy jeke quramdy yntalandyrýǵa usynsa, kótermeleý jasaımyz», - dedi vedomstvo basshysy.
Eske salsaq, Rıdderde aýqymdy órt bolyp, saldarynan eki adam aýrýhanaǵa túsip, 73 jastaǵy áıel adam kóz jumǵan edi. Resmı derek boıynsha tilsiz jaý 283 gektar aýmaqty sharpyǵan .
Saldarynan 35 úı men 9 sharýashylyq qurylys búlingen.
