Qutqarýshylar Jaıyqtyń ortasynda qalyp qoıǵan saıajaı turǵyndaryn evakýatsııalady
ASTANA. QazAqparat - Oraldyq qutqarýshylar barjalarynyń synýyna baılanysty Jaıyq ózeniniń ortasynda qalǵan 19 saıajaı turǵynyn evakýatsııalady, dep habarlaıdy QR ІІM TJK baspasóz qyzmeti.
Batys Qazaqstan oblysy TJD Jedel-qutqarý jasaǵynyń kezekshi-dıspetcherlik qyzmetine Jaıyqpen «Oral-saıajaı alaby «Ýchýjnyı zatony» baǵytyna bet alǵan qaıyqtyń (barjanyń) qozǵaltqyshy synyp qalyp, aǵysy qatty ózen ortasynda 19 saıajaı turǵynynyń qalyp qoıǵandyǵy jóninde habar keldi.
Qutqarýshylar adamdardy qaıyqpen aılaqqa tasymaldady.
Qala turǵyndary demalys kúnderi óz saıajaılaryna jınalyp, qajetti azyq-túlikter men otyrǵyzatyn tal-shybyqtaryn ala keldi.
«Jolaýshylardyń arasynda birneshe qart adamdar boldy. Olardy erneýi bıik qaıyqqa otyrǵyzý birshama qıyndyq týdyrdy.
Sondaı-aq kóbisiniń óz zattaryna alańdaýmen otyrǵandyǵy da baıqaldy. Keıbireýlerine aldymen ózderin qaýipsiz jerge jetkizip, keıin sómkeleri de tasymaldanatyndyǵy túsindirildi. Medıtsınalyq kómekke muqtajdar bolmady. Barlyq saıajaı turǵyndary aılaqqa aman-esen jetkizildi», - dep atap ótti jasaqtyń medıtsınalyq-psıhologııalyq qyzmetiniń basshysy N. Jumaǵalıev.
