Qutqarýshylar Jambyl oblysynyń joldarynda 36 adamdy qar qursaýynan shyǵardy
ASTANA. 21aqpan. QazAqparat - Qutqarýshylar Jambyl oblysynyń joldarynda 36 adamdy qar tutqynynan shyǵardy, dep habarlaıdy QR TJM-niń baspasóz qyzmeti.
Dúısenbi, 20 aqpan kúni Jambyl oblysynyń jedel kezekshisine «Momyshuly-Qoshqar ata» jolynda kúrtik qarda 9 adam jáne 2 jeńil kólik, al «Almaty-Tashkent» jolynda 27 adam men 5 jeńil kólik qalyp qoıǵany týraly habarlama kelip tústi.
Taraz qalasynyń jedel-qutqarý jasaǵy, Jýaly aýdanynyń TJB, Jambyl oblysy TJD-niń «Órt sóndirý jáne apat-qutqarý jumystary» MM men «K-Jolqurylys» AQ-nyń birikken kúshteriniń kómegimen ishinde adamdary bar kólikter Momyshuly aýylyna jetkizildi. Zardap shekkender joq. Barlyǵy 36 adam qutqaryldy.
