Qutqarýshylar týrısterdi taýda saq bolýǵa shaqyrady

ALMATY. QazAqparat – QR ІІM TJK Respýblıkalyq jedel qutqarý jasaǵynyń qutqarýshylary taýǵa shyǵatyn týrısterdi, daıyndyqsyz joryqtar qaýip-qaterge toly ekenin eskertedi, dep habarlaıdy QazAqparat tilshisi.

Vedomstvonyń málimetinshe, sońǵy jyldary taýǵa saıahat jasaıtyn toptar áleýmettik jelide tanymal bola bastady. Bir-birin jaqsy tanymaıtyn adamdar taýǵa birge shyǵýdy ádetke aınaldyrǵan.

«RJQJ qutqarýshylary bul óte qaýipti ekenin eskertedi. Jaqsy tanys adamǵa ǵana sený kerek. Taýǵa jalǵyz barýdyń qajeti joq. Tótenshe jaǵdaılar departamenti aýa raıynyń kúrt ózgerýi jáne qar kóshkini týraly eskertip, SMS habarlamalaryn únemi jiberip otyrady. Alaıda, bul týrısterdi toqtatpaıdy, adamdar eskertýge qaramastan taýǵa shyǵyp ketedi. Onyń sońy qaıǵyly jaǵdaımen aıaqtalady»,- dep habarlaıdy RJQJ.

Sondaı-aq, týrıster tobyndaǵy ár adam RJQJ bazasynda tirkeýden ótýi kerek.

«Qutqarýshylar sizdiń marshrýtyńyzdy jazyp alady jáne qaıtatyn baqylaý ýaqytyn anyqtaıdy. Qıyndyq týyndaǵan jaǵdaıda bul mamandarǵa baǵytty tezirek anyqtaýǵa kómektesedi», - dep tolyqtyrdy vedomstvo.