Qutqarýshylar Tý-154 apatynan qaza tapqan taǵy 3 adamnyń múrdesin tapty
ASTANA. QazAqparat - Qutqarýshylar Qara teńizge qulaǵan ushaq ornynan taǵy úsh adamnyń múrdesin tapty, dep habarlady kúsh qurylymdaryna silteme jasap habarlaǵan RIA Novostı.
«Tabylǵan múrdelerdiń jalpy sany 15-ke jetti», - dedi agenttikten.
Osy oqıǵaǵa qatysqan málimetter boıynsha, apat aýdanynda 223 dene bólshekteri tabylǵan. Budan buryn RF Qorǵanys mınıstrliginde súıekterdi genetıkalyq saraptamadan Máskeýde ótkizetinin aıtylǵan. Іzdeý operatsııasyna 45 keme, 15 tereńge júzetin apparat, 192 súńgýir, 12 ushaq, bes tikushaq qatysýda. Іri synyqtardy kóterý úshin ózdiginen júretin kran ákelindi.
Tý-154 Qara teńizge jeksenbi kúni tańerteń qulady. Bortta 92 adam bolǵan, onyń ishinde Aleksandrov atyndaǵy ansambl artısteri, reseılik telearna qyzmetkerleri, Doktor Lıza retinde tanymal «Spravedlıvaıa pomoş» qaıyrymdylyq qorynyń basshysy Elızaveta Glınka bar.
Negizgi nusqalar retinde qozǵaltqyshqa bógde zat túsip ketý, sapasyz otyn, basqarý qateligi, ushaqtyń tehnıkalyq aqaýy sııaqty máseleler qarastyrylýda.
