Qutqarýshylar Talas ózenine batyp ketken jasóspirimniń denesin izdep jatyr - Jambyl oblysy
TARAZ. QazAqparat - Baızaq aýdanynda Talas ózeninde oblystyq TJD qutqarýshylary izdeý jumystaryn júrgizýde, dep habarlady «QazAqparat» HAA tilshisi vedomstvo baspasóz qyzmetine silteme jasap.
«9 sáýirde 21.45-te oblystyq TJD-ge Baızaq AІІB-den 17.30-da Sarykemer aýylynyń 13 jastaǵy turǵyny Talas ózeni jaǵalaýynda júrip, sýǵa batyp ketkeni jaıly habarlama tústi», - dedi TJD baspasóz qyzmeti.
Іzdeý jumystaryn júrgizý úshin orynǵa oblystyń TJD «AQJ» MM TJB, ÓB-8 súńgýirler toby, aýdandyq ІІB qyzmetkerleri jetti. Іzdeýge 30-ǵa jýyq adam, jeti birlik tehnıka tartyldy.
«Keshe izdeý jumystary nátıje bermedi, búgin 06.00-de izdeý qaıta bastaldy», - dep naqtylady TJD.
