Qutqarýshylar sýǵa ketken 2 adamnyń denelerin tapty - QR TJM
ASTANA. 12 maýsym. QazAqparat - 10 maýsym kúni sýǵa batyp ketken 2 adamnyń máıitteri jer betine shyǵaryldy, dep habarlady QR TJM-niń baspasóz qyzmetinen.
Dúısenbi, 11 maýsym kúni Almaty oblysy, Talǵar qalasyndaǵy jasandy sý qoımasyna bir kún buryn batyp ketken er adamnyń máıiti tabyldy. Onyń denesi QR TJM Almaty oblysy boıynsha TJD sýdan-qutqarý qyzmetiniń 3 adamy men 1 tehnıkasynyń kómegimen shyǵaryldy.
Ótken táýlikte Qostanaı oblysynyń Qaramendi kentinen 70 shaqyrym jerde 10 maýsym kúni qazandyqqa batyp ketken 1960 jylǵy balyqshynyń máıiti tabyldy. Onyń denesi jer betine QR TJM Qostanaı oblysy boıynsha TJD sýdan-qutqarý qyzmetiniń 3 adamy men 1 tehnıkasynyń kúshimen shyǵaryldy.
