Qutqarýshylar saıysynyń kezeńinde BQO komandasy jeńimpaz atandy
ASTANA. QazAqparat - «Qazqutqarý-2016» respýblıkalyq jıyn-semınary Qazaqstan qutqarýshylaryn birinshilik úshin kúresinde synaýyn jalǵastyrýda. Bul týraly QR ІІM TJK aspasóz qyzmeti habarlady.
Almaty oblysynyń Tamǵaly Tas shatqalyndaǵy «Jartasty qala -Astana» oqý-jattyǵý polıgonynda «Tehnogendik apattar jaǵdaıynda izdeý-qutqarý jumystary» araqashyqtyǵynda qutqarý kópsaıysy boıynsha jarystardyń jeńimpazdary anyqtaldy.
Úsh kún boıy komandalar basty mindeti «zardap shekkenderdi» jáne «qaza bolǵandardy» izdep tabý, olardy bosatý, alǵashqy medıtsınalyq kómek kórsetý, olardy qaýipsiz orynǵa evakýatsııalaý bolyp tabylatyn kúrdeli kezeńderdi ótti.
«Jol-kólik jáne temirjol oqıǵalary» kezenińde eń kóp upaı sanyn Batys Qazaqstan oblysy TJD Jedel-qutqarý jasaǵynyń komandasy jınap aldy. Ekinshi orynda - Soltústik óńirlik aeroutqyr jedel-qutqarý jasaǵy, úshinshide - Ortalyq óńirlik aeroutqyr jedel-qutqarý jasaǵy.
«Labırınt» kezenińde eń kóp upaı sanyń Batys Qazaqstan oblysy TJD Jedel-qutqarý jasaǵynyń komandasy utyp aldy, upaı sany boıynsha ekinshi orynda Shyǵys óńirlik aeroutqyr jedel-qutqarý jasaǵy, úshinshi orynda Jambyl oblysy TJD Jedel-qutqarý jasaǵy.
Batys Qazaqstan oblysynyń qutqarýshylary «Úıindi» kezenińde de maksımaldy upaı sanyn jınap, birinshilikti bermedi. Osy kezende ekinshi orynda Soltústik óńirlik aeroutqyr jedel-qutqarý jasaǵynyń komandasy bolyp, úshinshi oryndy Shyǵys óńirlik aeroutqyr jedel-qutqarý jasaǵynyń qutqarýshylary aldy.
«Hımııalyq avarııa» kezeńiniń eń úzdik ýaqyt kórsetkishteri jáne upaı sanymen Pavlodar oblysy TJD Jedel-qutqarý jasaǵynyń komandasy jeńip aldy. Ekinshi orynda Shyǵys óńirlik aeroutqyr jedel-qutqarý jasaǵynyń qutqarýshylary, úshinshide - Batys Qazaqstannyń qutqarýshylary.
«Fort» kezenińde básekeles komandalardań aıtarlyqtaı alǵa shyǵyp, eń úzdik nátıjelerdi Qaraǵandy oblysy TJD Jedel-qutqarý jasaǵy kórsetti. Ekinshi orynda - Batys Qazaqstan oblysynyń qutqarýshylary, úshinshi orynda - Jambyl oblysy TJD Jedel-qutqarý jasaǵy.
Ótken kezeńderdiń qorytyndylary boıynsha «Tehnogendik apattar jaǵdaıynda izdeý-qutqarý jumystary» araqashyqtyǵynda Batys Qazaqstan oblysy TJD Jedel-qutqarý jasaǵynyń komandasy jeńimpaz bolyp atandy. Ekinshi oryndy Shyǵys óńirlik aeroutqyr jedel-qutqarý jasaǵynyń qutqarýshylary jeńip aldy. Úshinshi orynda - Qaraǵandy oblysy TJD Jedel-qutqarý jasaǵynyń komandasy.
Komandalar basqa araqashyqtardy ótýge kiristi.
