Qutqarýshylar Petropavlda iz-túzsiz joǵalǵan er adamdy izdestirýde
PETROPAVL. QazAqparat – Qutqarýshylar Petropavlda 2 tamyzdan 3-ine qaraǵan túni joǵalyp ketken 29 jastaǵy er adamdy izdestirýde, dep habarlaıdy QazAqparat tilshisi.
Soltústik Qazaqstan oblysy TJD baspasóz qyzmetiniń habarlaýynsha, Petropavl mańyndaǵy Esil ózeninde izdeý jumystary jalǵasýda.
«Іzdeýge qutqarý tobynyń qyzmetkerleri, polıtsııa bólimi, jastar resýrstyq ortalyǵynyń eriktileri jáne tehnıka jumyldyryldy. Іzdestirý jumystary qalaǵa jaqyn Esil ózeniniń jaǵalaýynda, Jeńis saıabaǵynan Borkı kentine deıingi jerde júrgizilýde», - delingen Soltústik Qazaqstan oblysy TJD baspasóz qyzmetiniń habarlamasynda.
Qutqarýshylar izdestirý sharalaryn tańǵy 8-de bastaǵan.
