Qutqarýshylar otshashý atqan kezdegi qaýipsizdik sharalaryn túsindirdi
ShQO Aımaqtyq kommýnıkatsııalar qyzmetinde ótken baspasóz máslıhatynda oblystyq TJD memlekettik órt baqylaý basqarmasynyń bastyǵy Nurjan Ómirjanov Jańa jyl merekesi qarsańynda jurtshylyqqa qaýipsizdik sharalaryn túsindirip ótti.
«Otshashýlardy satyp alǵan kezde jaramdylyq merzimine nazar aýdaryńyz. Eger taýar merzimi ótip ketse, onda ony eshbir jaǵdaıda paıdalanýǵa bolmaıdy. Pırotehnıkany paıdalanǵanda temeki shegýge jáne balalardyń qolyna ustatýǵa qatań tyıym salynady. Sondaı-aq turaqta turǵan kólikterdiń janynda otshashýlardy atýǵa bolmaıdy. 50 metr radıýsta órt shyǵý qaýpi bar nysandar bolmaýy tıis. Otshashýdy tamashalaýǵa jınalǵan adamdar ushyrý alańynan 15-20 metr qashyqtyqta ornalasýy kerek», - dedi ol.
Otshashýdy ǵımarat ishinde jáne úı-jaıda qoldanýǵa tyıym salynǵan. Qatty jelde de otshashýdy atýǵa ruqsat joq.
Nurjan Ómirjanovtyń aıtýynsha, úıge shyrshany ornatqan kezde jylytý qurylǵylarynyń mańyna qoımaǵan jón. Shyrshany tek zaýytta jasalǵan, jaramdy elektr gırlıandtarymen bezendirý qajet.