Qutqarýshylar kólikke qysylyp qalǵan er adamdy aman-esen shyǵaryp aldy
ІRGELІ. QazAqparat - Respýblıkalyq jedel-qutqarý jasaǵynyń qutqarýshylary avtokólikte qysylyp qalǵan er adamdy qutqardy, dep habarlaıdy QazAqparat vedomstvonyń baspasóz qyzmetine silteme jasap.
Keshe túnde Respýblıkalyq jedel-qutqarý jasaǵynyń kezekshi-dıspetcherlik bólimine Almaty oblysynyń Іrgeli kentinde soqtyǵysqan eki avtokólik týraly habar kelip tústi.
«Eki kólikte de jaraqat alǵan adamdar bolǵan. Zardap shekken úsh adamdy jedel medıtsınalyq járdem qyzmetkerleri shyǵaryp, aýrýhanaǵa jatqyzdy. Aldyńǵy oryndyqtaǵy tórtinshi jolaýshy qysylyp qalǵan, dárigerler er adamdy óz betimen shyǵaryp ala almady. Oqıǵa ornyna Respýblıkalyq jedel-qutqarý jasaǵy qutqarýshylarynyń jedel toby shaqyryldy» delingen habarlamada.
Qutqarýshylar gıdravlıkalyq qural kómegimen er adamdy avtokóliktiń salonynan alyp shyqty. Sosyn ony jedel medıtsınalyq járdem brıgadasyna jetkizdi.
