Qutqarýshylar kóktaıǵaqta qalaı júrý kerektigin aıtty
PETROPAVL. QazAqparat - Soltústikqazaqstandyq qutqarýshylar kóktaıǵaqta jaraqat almaı, qalaı júrý kerektigin aıtty, dep habarlaıdy QazAqparat tilshisi.
Óńirdegi aýa raıy qubylmaly. Kúndiz termometr baǵany nólden kóterilse, keshkisin sýyq bolýda. Qutqarýshylardyń aıtýynsha, bul kezeńde kóshede qulap qalyp, túrli jaraqat alatyndar sany aıtarlyqtar ósip jatyr. Zardap shegýshiler sanyn tolyqtyrmas úshin birqatar tásilderdi bilý qajet.
«Eń birinshi - ókshesi bıik emes taımaıtyn aıaq-kıim kerek. Asyqpaı, abaılap júrý qajet. Aıaqty bos ustap, qoldy erkin jiberý kerek. Egde jastaǵy adamdar ushy rezeńkeden jasalǵan taıaqqa nemese arnaıy taıaqqa súıengen abzal. Eger taıyp ketseńiz - otyra qalyńyz», - dep keńes berdi SQO TJD Azamattyq qorǵanys basqarmasynyń aǵa ofıtseri Kırıll Ivannıkov.
Eger sonda da taıyp jyǵylsańyz, syrǵanaýǵa tyrysyńyz. Bul tásil jerge qulaǵanda soqqyny jumsartýǵa múmkindik beredi. Qolyńyzdaǵy zatyńyzdy qutqarýǵa tyryspańyz. Jyǵylǵannan keıin birden turmańyz. Jaraqat almaǵanyńyzdy tekserińiz.
Qutqarýshylar kóktaıǵaq kezinde shalqaıyp, arqamen qulaýdyń qaýipti ekenin eskertýde. Bulaı jyǵylǵanda bas mı zaqymyn alý qaýpi bar.
«Kóktaıǵaqta júrip bara jatqan kóliakke jaqyndamaǵan jón. Trotýarlar, qala kólikteriniń aıaldamalary, dúkenge kiretin jerdegi baspaldaqtar, tipti úıdiń aldy - adamdardyń jıi qulaıtyn oryndary. Baspaldaqpen shyqqanda taıanyshty ustap alyńyz. Qum tóselgen jerlermen júrýge tyrysyńyz», - dep atap ótti K.Ivannıkov.
