Qutqarýshylar qıraǵan Lýgansk aýrýhanasynyń úıindileri astynan mert bolǵandardyń barlyǵyn tapty
ASTANA. Qańtardyń 20-sy. QazAqparat - Qutqarý qyzmeti Lýganskidegi nómiri 7-inshi aýrýhana jarylysynyń ornyndaǵy apattyq-qutqarý jumystaryn aıaqtady,
dep habarlaıdy QazAqparat «Interfaks» saıtyna silteme jasap.
Jalpy jıyny, úıindiler astynan mert bolǵandardyń 16 máıiti alyndy. Osylaısha, qańtardyń 19-yndaǵy tańerteńgi jaǵdaımen salystyrǵanda Lýgansk aýrýhanasynda ottegi ballony jarylysynan qurban bolǵandardyń sany 8 adamǵa artty.
Aýrýhana úıindisi astynda mert bolǵandardyń barlyǵynyń máıitteri anyqtaldy. Olardyń toǵyzy - aýrýlar, altaýy - medıtsınalyq mekemesiniń qyzmetkerleri jáne bireýi kelýshi adam bolǵan.
