Qutqarýshylar Esil ózenine aǵyp kete jazdaǵan 12 jasar balany aman alyp qaldy
NUR-SULTAN. QazAqparat - Elordada sýǵa kete jazdaǵan 12 jasar bala qutqaryldy, dep habarlaıdy QazAqparat qalalyq tótenshe jaǵdaılar departamentine silteme jasap.
16 shilde saǵat 15-39-da Shalqyma kóshesi boıyndaǵy Esil ózeninde qalalyq jedel-qutqarý jasaǵynyń qutqarýshylary Kıshkýtsa Vıtalıı men Hýangan Serikbaı kezekti patrýl kezinde dostarymen birge ruqsat etilmegen jerde sýǵa shomylǵan 2008 jyly týǵan jasóspirimdi qutqardy. Baqytymyzǵa oraı, balanyń jaǵdaıy birqalypty, medıtsınalyq kómekke muqtaj emes.
Elordalyk TJD men polıtsııa departamentiniń qyzmetkerleri sýǵa shomylýǵa tyıym salynǵan jerde shomylǵan balalardyń ata-anasyna túsindirip, áńgime júrgizdi. Ata-analar QR Ákimshilik quqyq buzý kodeksiniń 364-baby boıynsha ákimshilik jaýapkershilikke tartyldy.
Mamandardyń aıtýynsha, balaǵa mynadaı máselelerdi jaqsylap túsindirý qajet:
- sýda óz dostaryńdy sýǵa batyryp oınaýǵa bolmaıdy, kenetten olarǵa sekirip, júzip bara jatqan adamdardyń qolynan jáne aıaǵynan tartýǵa bolmaıdy;
- katerler, motorly qaıyqtar, barjalar jáne basqa da kemeler jaqyndaǵanda erekshe saqtyq tanytý kerek, kishkentaı balalar tolqynmen shaıqalýy múmkin, al sýda júrgender keme túbine tartylýy múmkin;
- sýǵa túsý alystyǵy jáne sý astynda uzaq turýǵa bəstesý qaterge əkeledi;
- sýǵa shomylý kezinde oǵan arnalmaǵan zattardy (taqtaılar, úrlemeli avtomobıl kameralary) paıdalanbańyz;
- qatty aǵysqa qarsy júzbeńiz, jaǵaǵa jaqyndańyz;
- dene qyzýy kóterilgen jaǵdaıda temperatýranyń kúrt ózgerýine baılanysty sýǵa túsý jáne sekirý qan tamyrlarynyń, sonyń ishinde mı men júrektiń spazmdaryna ákelýi múmkin;
- tamaqtanǵannan keıin 1,5-2 saǵat shomylýǵa bolmaıdy.
