Qutqarýshylar Baıkal túbinen 92 avtomobıl, traktor, tikushaq jáne ushaq alyp shyqty
ASTANA. QazAqparat - Reseı TJM qutqarýshylary Irkýtsk oblysynda «Hrýstalnaıa glýbına» ekologııalyq ekspedıtsııasy aıasynda Baıkal túbine batyp ketken avtomobılderdi alyp shyǵyp, eriktilermen birge jaǵada 600 qaptan astam turmystyq qaldyqtardy jınady, dep habarlaıdy TASS agenttigi.
«Baıkal izdeý-qutqarý jasaǵynyń súńgýirleri tereńdiktegi qaýipti iri gaborıtti nysandardy izdep, jaǵaǵa shyǵarý jumystaryn atqardy. Mamandandyrylǵan tehnıkalar men arqandardyń kómegimen Reseı TJM-iniń jerdegi toptary paıdaǵa asyrý maqsatynda avtomobılderdi jaǵaǵa jetkizdi. Budan ózge TJM qyzmetkerleri men jalpyreseılik halyqtyq maıdan ókilderi jáne eriktiler Baıkal jaǵasyndaǵy demalys oryndaryn jınaý jumystaryna qatysty», - delingen TJM-nyń Sibir óńirlik ortalyǵy baspasóz qyzmetiniń habarlamasynda.
TJM Baıkal izdeý-qutqarý jasaǵy 15 jyl boıy qyzmet atqaryp keledi jáne osy aralyqta qutqarýshylar kól túbinen 92 avtomobıl, 18 qaıyq jáne shaǵyn kemeler, alty qar mashınasyn, eki mototsıkl, traktor, tikushaq jáne ushaq alyp shyqqan.
