Qutqarýshylar Balqashta joǵalyp ketken balany izdeýdi toqtatty
QARAǴANDY. QazAqparat - Qutqarýshylar Qaraǵandy oblysynyń Balqash aýdanyndaǵy Tehsnab aýylynda úıiniń aınalasynda 2 qazan kúni joǵalyp ketken 2 jasar balany izdeýdi toqtatty, dep habarlaıdy QazAqparat.
«Balany belsendi izdeý sharalary aıaqtaldy. Endi qutqarýshylar aımaqty tek kózben sholyp júr»,-dedi Qaraǵandy oblystyq Tótenshe jaǵdaılar departamentiniń ókili Janna Dáýrenbekova.
Vedomstvo ókilderiniń derekterinshe, balany izdeý jumystary eshqandaı nátıje bermegen. Qazir tótenshe jaǵdaılar qyzmetiniń ókilderi Balqash kóliniń aınalasyn sholyp, jaǵalaýdy baqylap júr.
Aıta keteıik, qazan aıynyń basynda 2 jasar bala úıiniń aınalasynan sál uzap ketip, kózden ǵaıyp bolǵan. Іshki ister organynda osy oqıǵaǵa baılanysty izdestirý-qutqarý jumystaryn uıymdastyrý úshin arnaıy shtab quryldy. Shtab quramyna órt sóndirý, qutqarý qyzmetiniń ókilderi men kınologtar jáne eriktiler tartyldy.
Osyǵan deıin Qutqarýshylar kúni qarsańynda Qaraǵandy oblysynyń ákimi Erlan Qoshanovtyń aımaqtaǵy qutqarýshylarǵa kólik kiltin tabystaǵandyǵyn habarlaǵan bolatynbyz.
