Qutqarýshylar Astana turǵyndaryn balalardy kóshege shyǵarmaýǵa shaqyrdy
ASTANA. QazAqparat - Aýa temperatýrasynyń kúrt tómendeýine baılanysty qutqarýshylar Astana turǵyndaryn balalardy kóshege shyǵarmaýǵa shaqyrdy, dep habarlaıdy «QazAqparat» HAA.
Astana qalasy tótenshe jaǵdaılar departamentiniń habarlaýynsha, Astanada búgin túnde aýa temperatýrasy mınýs 35-40 gradýs, kúndiz mınýs 27-32 gradýs bolady.
Osyǵan baılanysty qutqarýshylar kúsheıtilgen rejımde jumys isteıdi. Elorda turǵyndary men qonaqtaryn:
- qyraǵy bolyp, aýa raıy týraly jáne oqý oryndaryndaǵy sabaqtar aqparatqa qulaq túre júrýge;
- aýa raıyna saı kıinýge;
- múmkindiginshe qala syrtyna shyqpaýǵa;
- balalardy aıazdy kúnde kóshege shyǵarmaýǵa;
- jylytý peshteri men elektr qondyrǵylaryn paıdalanǵanda órt qaýipsizdigi talaptaryn saqtaýǵa;
- tótenshe jaǵdaı týyndaǵanda «112» telefonyna shuǵyl habar berýge shaqyrady.
