Qutqarýshylar AirAsia ushaǵyn qaıta izdeýge kiristi
ASTANA. QazAqparat - Qutqarýshylar eki táýlik buryn ındonezııalyq Sýrabaıa qalasynan Sıngapýrge ushyp, joǵalyp ketken ushaqty izdeý jumystaryn qalpyna keltirdi. Bul týraly Channel News Asia telearnasynan habarlady.
30 jeltoqsanda izdeý jumystarynyń kólemi keńeıtiledi. Budan bólek, ushaqty izdeý jumystary jaǵada da júrgiziledi. Ushaqty izdeý aýdany Belıtýng araly men Kalımantannyń batys bóliginiń arasynda belgilengen.
Qutqarý jumystaryn Indonezııa basqarýda. Іzdeý tobynyń quramyna sondaı-aq Malaızııa, Koreıa Respýblıkasy jáne Sıngapýr elderiniń ókilderi kiredi. Jalpy alǵanda izdeý sharalaryna 30 keme men qaıyq, sondaı-aq 15 ushaq jumyldyrylǵan.
Aıta keteıik, jeksenbi kúni AirAsia kompanııasynyń áýe kemesi ushyp shyqqannan sátinen shamamen 40 mınýttan soń radarlar nazarynan joǵaldy, sol kezde onyń Kalımantan (Borneo) aralynyń aýdanynda ushqany shamalanady. Áýe kompanııasynyń málimetterinshe, ushaqtyń ishinde 162 adam: 155 jolaýshy (sonyń ishinde 17 bala), eki ushqysh, bortınjener jáne tórt jolserik bolǵan. Jolaýshylardyń ishinde 155 adam - Indonezııa turǵyndary, úsh ońtústikkoreıalyq azamat, Ulybrıtanııanyń bir turǵyny, Malaızııanyń bir azamaty jáne Sıngapýr, Frantsııanyń bir-bir azamattary (ekinshisi ushqysh) bolǵan.
