Qutqarýshylar AirAsia ushaǵyn izdeý aýdanynda iri bólikter men munaı daǵyn anyqtady
ASTANA. QazAqparat - Kalımantan aralynyń ortalyq bóligindegi Pangkalan-Býta eldi mekenine jaqyn jerde teńizdegi AirAsia kompanııasynyń ushaǵyn izdeý aýdanynda eki iri bólik pen munaı daǵy anyqtaldy.
Bul týraly TASS habarlaıdy.
Indonezııanyń ulttyq izdeý jáne qutqarý agenttiginiń basshysy Bambang Soelıstıdiń aıtýynsha, «zattar 30 metr tereńdikte jatyr». Qazirgi ýaqytta bul orynǵa sý túbindegi jumystardy ótkizý úshin arnaıy jabdyqtalǵan kemeler barýda. Teńiz túbin zertteýge arnalǵan telebasqarylatyn apparattardy, sodan keıin súńgýirlerdi jiberý shamalanyp otyr. Alaıda, agenttik basshysynyń naqtylaýynsha, teńizdegi qatty jel men úlken tolqyndar qutqarýshylardyń jumysyna kedergi bolýda.
Esterińizge sala keteıik, 28 qańtar kúni áýe dıspetcherlik qyzmeti Malaızııanyń Air Asia áýe kompanııasynyń ındonezııalyq Sýrabaıa qalasynan Sıngapýrge ushyp shyqqan ushaǵymen baılanysty 40 mınýttan keıin joǵaltyp alǵan. Áýe kóliginiń ishinde 155 jolaýshy, sondaı-aq ekıpajdyń 7 múshesi bolǵan.
