Qutqarýshylar AirAsia ushaǵyn izdestirý kezinde taǵy úsh adamnyń múrdesin tapty
ASTANA. QazAqparat - Qutqarýshylar ıAvan teńizinen malaızııalyq AirAsia kompanııasynyń ushaǵy qulaǵan jerden taǵy úsh adamnyń múrdesin shyǵardy.
Bul týraly baspasóz máslıhatynda eldiń ulttyq izdestirý jáne qutqarý agenttiginiń basshysy Bambang Soelıstıo habarlady, dep jazady TASS.
«Biz úsh adamnyń múrdesin shyǵara aldyq: ekeýi jolaýshy er adamdar jáne ekıpaj múshesi bolǵan bir áıeldiń máıiti», - dedi ol.
Osylaısha, qazirgi kezde ushaqtyń ishinde bolǵan alty adamnyń múrdesi tabylǵan.
Soelıstıonyń aıtýynsha, izdeý sharalaryna qolaısyz aýa raıy qıyndyq týdyrýda.Aýa raıynyń qolaısyzdyǵyna baılanysty izdeý jumystary ýaqytsha toqtatyldy.
«Іzdestirý jumystary úshin jumyldyrylǵan tehnıkanyń bir bóligi ázirshe kútý rejıminde tur. Aýa raıy jaqsarǵan kezde, olarǵa izdeý oryndaryna shyǵý buıryǵy beriledi», - dedi ol.
Qutqarý jumystaryna Indonezııa basshylyq etýde, óıtkeni AirAsia kompanııasynyń ushaǵy radarlardyń nazarynan bul eldiń áýe keńistiginde joǵalǵan. Іzdeý tobynyń quramyna sondaı-aq Malaızııa, Koreıa Respýblıkasy jáne Sıngapýr ókilderi kiredi. Jalpy alǵanda 30-ǵa jýyq keme men qaıyq, 15 ushaq, 20-ǵa jýyq tikushaq jumyldyrylǵan.
Aıta keteıik, 30 jeltoqsanda qutqarýshylar laınerdiń ishinde bolǵan úsh jolaýshynyń múrdesin tapty. Budan basqa, Pangkalan-Býn qalasynan ońtústik-batysqa qaraı 160 shaqyrym jerdegi teńizde izdeý kezinde jolaýshylar salonynyń esigi jáne júk bóliginiń lıýgi tabylǵan bolatyn.
Eske sala keteıik, jeksenbi kúni Indonezııadan Sıngapýrge ushyp shyqqan Air Asia kompanııasynyń áýe kemesi ushyp shyqqan sátinen keıin 40 mınýt ótken soń dıspetcher radarynan joǵalyp ketti. Onyń bortynda 155 jolaýshy jáne ekıpajdyń jeti múshesi boldy.
