Qutqarýshylar AirAsia ushaǵy apaty qurbandarynyń taǵy úsh denesin tapty
ASTANa. QazAqparat - Ótken demalys kúnderi ındonezııalyq qutqarýshylar AirAsia Indonesia avıakompanııasynyń apatqa ushyrǵan Airbus ushaǵy qurbandarynyń taǵy úsh denesin sýdan shyǵardy, dep habarlady RIA Novostı.
Bul apat ótken jyldyń sońynda ıAva teńizinde bolǵan edi, dep málimdedi izdestirý-qutqarý opaeratsııasynyń jedel dırektory marshal Sýprııadı.
Onyń aıtýynsha, bul adamdardyń deneleri apatqa ushyraǵan laıner fıýzelıajynyń negizgi bólshekteri shyǵarylǵan aýmaqtan 40 metr jerden tabylǵan. Bul aýdanda qazirge deıin kóptegen usaq synyqtar qalyp otyr, deneler solardyń arasynan tabyldy, dep qosty marshal.
Laıner 28 jeltoqsanda ındonezııalyq Sýrabaı qalasynan Sıngapýrǵa tańerteń ushyp shyqqan bolatyn, bir saǵattan keıin ol radar ekranynan kórinbeı ketken. Onyń bortynda 162 adam boldy (kópshiligi -Indonezşııa azamattary), olardyń barlyǵy da qazaǵa ushyrady. Naýryz aıynyń basynda Indonezııanyń Ulttyq izdestirý-qutqarý basqarmasynyń basshysy Henrı Bambang Sýdısto qaza bolǵandardyń otbasylarymen kezdesýde negizgi izdestirý-qutqarý operatsııalary aıaqtalǵanmen qaza bolǵandardyń denelerin izdestirý jalǵastyrylatynyn málim etti.
Budan buryn izdestirý-qutqarý operatsııalarynyń barysynda 103 adamnyń deneleri tabylǵan bolatyn.
