Qutqarýshylar 7 jasar balany kir jýǵysh mashınadan alyp shyqty
ASTANA. QazAqparat - Ýkraınanyń Harkov qalasynda qutqarýshylar kir jýǵysh mashınaǵa kirip alyp, shyǵa almaı qalǵan balany qutqardy. Qutqarý operatsııasy 20 mınýtqa sozyldy, dep jazdy búgin korrespondent.net.
«Volodıa óziniń ápkesimen jasyrynbaq oınap júrip, kir jýǵysh mashınanyń barabanyna jasyrynyp qalmaq bolǵan. Bul onyń qolynan keldi, biraq oǵan qaıta shyǵý aıtarlyqtaı qıyndyq týdyrdy»,-dep jazdy saıt.
«Qutqarýshylar kele sala bala men onyń anasyn sabyrǵa shaqyryp, birden isti bastap ketti. Olar bala men kir jýǵysh mashınanyń shyǵatyn jerindegi erneýin ósimdik maıymen maılap tastady. Osy kezde 7 jasar Volodıa mashınadan syrǵyp shyqty»,-delingen Memlekettik tótenshe jaǵdaılar qyzmetiniń baspasóz qyzmetiniń habarlamasynda.
Korrespondent.net saıtynyń habarlaýynsha, osyǵan deıin Qytaıdyń Ýchjýn qalasynda qyz bala kir jýǵysh mashınaǵa keptelip qalǵan. Oǵan kómekke órt sóndirýshiler kelgen. Olar qyzdy qurylǵydan alyp shyqqan jáne qyz zardap shekpegen.
