Qutqarýshylar 6 myńnan astam adamdy aman alyp qaldy - mınıstr V.Bojko
ASTANA. 25 jeltoqsan. QazAqparat - Sońǵy on bir aıdyń ishinde tótenshe jaǵdaılar qyzmetiniń mamandary 6236 adamdy qutqardy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Tótenshe jaǵdaılar mınıstri Vladımır Bojko málim etti.
Mınıstr habarlaǵandaı, olardyń 3346-syna alǵashqy medıtsınalyq kómek kórsetildi. «Negizi, bıyl aldyn alý sharalaryn sapaly túrde uıymdastyrýdyń arqasynda tótenshe jaǵdaılardyń sany 16,7 paıyzǵa azaıdy. Ótken jylmen salystyrǵanda, tótenshe jaǵdaılarda mert bolǵan adamdardyń sany 10,8 paıyzǵa tómendese, zardap shekkender 11,1 paıyzǵa az boldy», - dep atap kórsetti V.Bojko.
