Qutqarýshylar 10 myńǵa jýyq balaǵa sýda júzýdi úıretti - TJM
ASTANA. 8 tamyz. QazAqparat - Bıylǵy 7 aıda qutqarý qyzmeti 10 myńǵa jýyq balaǵa sýda júzýdi úıretti. Bul týraly búgin Astanada ótken brıfıngte Tótenshe jaǵdaılardy joıý departamenti Apattyq qutqarý jumystaryn uıymdastyrý basqarmasynyń bas sarapshysy Serik Bersimbaev málim etti.
«Sýǵa shomylý maýsymynda balalardyń qaýipsizdigi turǵysynda sýda qutqarý stansasynyń mańynda jasaqtalǵan balalar jaǵajaılarynda qutqarýshylar jetkinshekterge júzýdi úıretý jumystaryn júrgizýde. Aǵymdaǵy jylǵy 7 aıda sýda qutqarý qyzmetkerleri 9 619 balaǵa júzýdi úıretti», - dedi ol.
S. Bersimbaevtyń sózine qaraǵanda, jumyssyz adamdardyń ishinen qoǵamdyq qutqarýshylardy tartý boıynsha jumystar júrgizilýde. Osylaısha, Aqtóbe oblysynyń sýda qutqarý qyzmeti 21 beket quryp, 63 qoǵamdyq qutqarýshy daıyndady. Al Pavlodar oblysy 10 beket, Atyraý oblysy 6 beket, Jambyl oblysy 4 beket jasaqtaǵan eken.
